Sjßlfshjßlparhˇpar

Frá upphafi hafa sjálfshjálparhópar verið mikilvægir í starfsemi Stígamóta. Hóparnir eru í boði fyrir fólk sem hefur nýtt sér einstaklingsviðtöl Stígamóta og er þátttakendum að kostnaðarlausu. Í þessum hópum koma brotaþolar saman til að sækja sér styrk til þess að takast á við vandamálin sem rekja má til afleiðinga kynferðisofbeldis. Með þátttöku í hópastarfi er einangrun rofin og þátttakendur veita hver öðrum stuðning. Samkennd og trúnaður ríkir í samskiptum þeirra og rauði þráðurinn í starfinu er sjálfstyrking. Hóparnir eru kynjaskiptir og eru hópar fyrir bæði konur og karla sem beitt hafa verið kynferðisofbeldi.

Markmið hópanna er:

  • að þú lærir að þekkja tilfinningar þínar
  • að þú öðlist aukið sjálfstraust
  • að meðtaka að þú berð ekki ábyrgð á ofbeldinu heldur ofbeldismaðurinn
  • að finna að þú ert ekki ein/einn með tilfinningar þínar
  • að þú öðlist nýja sýn á kynferðisofbeldið og sjálfa(n) þig
  • að þú gerir þér grein fyrir hverjar afleiðingar ofbeldisins eru í þínu lífi og lærir að takast á við þær
  • að saga þín er ekki aðalatriðið heldur afleiðingarnar sem hún hefur á líf þitt í dag
  • að þú lærir að standa með þér
  • að þú rjúfir einangrunina
  • að þú lærir að treysta

Uppbyggingin á hópunum er alltaf sú sama, þ.e. 5-7 einstaklingar ásamt einum eða tveimur leiðbeinendum. Hóparnir hittast 15 sinnum í 3 klukkustundir í senn. Allir sem taka þátt í sjálfshjálparhóp, gera það á sínum eigin forsendum og ráða sjálfir hversu mikla sjálfsvinnu þeir fara í.

Reynt er að skipta upp í hópa þannig að fólk sem á líka reynslu að baki séu saman. Til dæmis hefur verið boðið upp á nauðgunarhópa, sifjaspellshópa, vændishópa, hópa fyrir ungar konur, karlahópa og svo framvegis.

SvŠ­i

  • 562 6868
  • 800 6868

Netspjall

  • English
  • Espanol
  • Thailand
  • Polski
  • Russian

StÝgamˇt

Laugavegi 170 | 105 ReykjavÝk
S. 562 6868 / 800 6868
stigamot@stigamot.is

Bankan˙mer:á101-15-630999
Kt.: 620190-1449

OpnunartÝmar
Mßnudaga - f÷studaga 9 - 18