Stígamót - Grasrótarhreyfing gegn kynferðisofbeldi

 Á föstudag og laugardag ætla Skotturnar - samstarfsvettvangur 21 kvennasamtaka að selja barmnælurnar Kynjagleraugun.  Ágóðinn mun renna til þess að endurvekja verkefnið Stígamót á staðinn og okkur dreymir um að breyta Stígamótum í sólarhringsathvarf - þar sem lögð verður áhersla á að styðja konur í vændi og sem gætu hafa verið seldar mansali.  Skottur ætla að taka að sér kvöld, helgar og næturvinnu í sjálfboðavinnu.  Þetta er kvennasamstaða uppá sitt besta.    Nælurnar verða seldar í stórmörkuðum, við ÁTVR og í stærri verslunum, á höfuðborgarsvæðinu.  Á Ísafirði og á Akureyri munu Sólstafir og Aflið selja samskonar nælur til þess að efla sitt starf.